LIGA DE OUTONO 1997

         Disputouse durante os sábados do mes de novembro na cafetería de El Corte Inglés. Á ronda final chegaron tres equipos con aspiracións ó título. SAGRADA FAMILIA “A” contaba con medio punto de ventaxe sobre o CIDU e o PALAESTRA. En caso de empate na cabeza o mellor situado era o PALAESTRA, equipo que non perdera ningún dos seus encontros.

         Desta forma os resultados da última ronda condicionaban todala clasificación e realmente foi moi reñida. O DOMINICOS gañou por 4 a 0 ó PALAESTRA, no resultado menos agardado da ronda que deixaba ó PALAESTRA fora dos postos de cabeza.

         Coma non puido ser doutra forma a última partida en rematar decidiu o primeiro posto; o xogador do Sagrada Familia B  impúsose sobre  o seu rival e a victoria na Liga foi para o CIDU. A título de curiosidade hai que sinalar que o xogador do Sagrada Familia B era Alvaro García Muñoz, irmán de Diego, xogador do CIDU.

         Finalmente a Liga de Outono quedou coma segue: 1º CIDU (14,5 ptos.), 2ª Sagrada Familia “A” (13,5 ptos.), 3º Dominicos (11 ptos.), 4º Palaestra (10,5 ptos), 5º Sagrada Familia “B” (8,5 ptos.)