XOGANDO CO XADREZ

Introducindo o xadrez nos colexios e fomentando o galego

"Xogando co Xadrez" é unha actividade que naceu no 2007, se ben ten un precendente nunha actividade puntual celebrada dous anos antes no Colexio Dominicos. Daquela dende AGAX organizouse dende AGAX un torneo masivo para todos os alumnos entre segundo e sexto do Colexio Dominicos da Coruña.

Deste xeito achegábase ó xadrez a todo o alumnado e non so aos asistentes ás actividades de xadrez. O éxito levounos a pensar en posibles fontes de ingresos para extender á actividade.

Finalmente a colaboura da Secretaría Xeral de Política Lingüística fixo posible ampliar en 2007 os centros a catro; Dominicos, Grande Obra, San Francisco Xavier e Cruz do Sar.

Ademais a axuda de Begano, S.A. (Coca-Cola) permitiunos editar un folleto a repartir entre todo o alumnado. Mais de 3000 rapaces se beneficiaron da actividade no 2007 e pretendemos crecer no 2008.